Poet
ranj-o-gham ka malal kya karte
us se ham arz-e-hal kya karte
jo hamara kabhi hua hi nahin
us se dil ka saval kya karte
qufl-e-ghairat paḌa tha honTon par
ham kisi se saval kya karte
samne thi udaas tanha.i
koi rangin ḳhayal kya karte
saunp kar mutma.in the ham un ko
dil ki phir dekh-bhal kya karte
jin ko ham ne sambhal rakkha tha
vo hamara ḳhayal kya karte
vaqt ne toḌ di ana ‘shakir’
varna vo pa.emal kya karte
Leave a Reply