Poet
gham kama.i se chal raha hai dil
kis DhiTa.i se chal raha hai dil
aap aa.e to mujh ko aisa laga
ḳhush-numa.i se chal raha hai dil
varna andar se kuchh nahin baaqi
ḳhud-numa.i se chal raha hai dil
tera milna shifa ka baa.is hai
is dava.i se chal raha hai dil
ishq men hijr ka sahara hai
piir bhaa.i se chal raha hai dil
hijr ne daagh dho.e ankhon ke
is safa.i se chal raha hai dil
gham ne khole qafas ki dar mujh pe
is riha.i se chal raha hai dil
Leave a Reply