Sajjad Syed
rang parida zulf pareshan
chashm-e-ghazalan hairan hairan
gesu-e-mushkin shab ki siyahi
surat ḳhandan mah-e-taban
pahli pahli baar mile to
vo bhi nadan ham bhi nadan
un ka vo iz.har-e-mohabbat
thoḌa zahir thoḌa pinhan
un ki halat vaqt-e-ruḳhsat
honT larazte ankhen giryan
un ka achanak tark-e-ta.alluq
miri shikast-o-reḳht ka saman
mil jaate hain raahe gaahe
nadim nadim ḳhud se pasheman
ishq ki chashm-e-yas ka aalam
pur-nam pur-nam sozan sozan
‘sayyad’ hijr men yuun jiite hain
koi hai ḳhvahish aur na arman
Leave a Reply