Beganagi Ka Abr-E-Giran-E-Bar Khul Gaya

beganagi ka abr-e-giran-e-bar khul gaya

shab main ne us ko chheda to vo yaar khul gaya

galiyon men shaam hote hi nikle hasin log

har rahguzar pe tabla-e-attar khul gaya

ham ne chhupaya laakh magar chhup nahin saka

anjam-e-kar raz-e-dil-e-zar khul gaya

tha ishrat-e-shabana ki sarmastiyon men band

bad-e-sahar se dida-e-gulbar khul gaya

aaya vo baam par to kuchh aisa laga ‘munir’

jaise falak pe rang ka bazar khul gaya

Leave a Comment