Mustafa Rahi
socho to bahut kuchh hai magar baat zara si
yaad aati hai ab tak vo mulaqat zara si
ai kaash ki pakizgi-e-husn ko milti
varaftagi-e-shorish-e-jazbat zara si
ik umr tiri yaad men kis tarah guzaren
vo jin se guzarti nahin ik raat zara si
ab bhi vahi aalam hai vahi ham hain vahi gham
badli hi nahin surat-e-halat zara si
itna bhi na de tuul gham-e-ishq ko ‘rahi’
baḌh jaa.e na zalim kahin ik baat zara si
Leave a Reply