roz jab dhuup pahadon se utarne lagti
koi ghatta hua badhta hua bekal saaya
ek divar se kahta ki mire saath chalo
aur zanjir-e-rifaqat se gurezan divar
apne pindar ke nashshe men sada istada
khvahish-e-hamdam-e-derina pe hans deti thi
kaun divar kisi saae ke ham-rah chali
kaun divar hamesha magar istada rahi
vaqt divar ka sathi hai na saae ka rafiq
aur ab sang-o-gil-o-khisht ke malbe ke tale
usi divar ka pindar hai reza reza
dhuup nikli hai magar jaane kahan hai saaya
Leave a Reply