Poet
ai rabb-e-ka.inat yaqin chahiye hamen
jo chahte hain ham vo yahin chahiye hamen
ghafil kare jo yaad se teri tamam raat
itna sukun bhi to nahin chahiye hamen
kab tak hava ke dosh pe chalte rahenge ham
rakhne ko paanv kuchh to zamin chahiye hamen
andar ki samt hone laga hai safar naya
bahar paḌa hai jo bhi nahin chahiye hamen
taare ravan ho jis ke qadam chumte hue
‘mansur’ aisa ḳhak-nashin chahiye hamen
Leave a Reply