vo mera dost hai aur mujh se vasta bhi nahin
jo qurbaten bhi nahin hain to fasla bhi nahin
kise ḳhabar thi ki us dasht se guzarna hai
jahan se lauT ke aane ka rasta bhi nahin
kabhi jo phuuT ke ro le to chain pa jaa.e
magar ye dil mire pairon ka aabla bhi nahin
suna hai vo bhi mire qatl men mulavvis hai
vo bevafa hai magar itna bevafa bhi nahin
vo so saka na jise chhin kar kabhi mujh se
main us zamin ke baare men sochta bhi nahin
suna tha shahr men har su tumhara charcha hai
yahan to koi ‘nafas’ tum ko janta bhi nahin
Leave a Reply