rang kuchh shokh se tasvir men bhar kar dekho
zindagi shokh hai is shokh pe mar kar dekho
ek pal ke liye ‘mumtaz’ thahar kar dekho
dil ki janib bhi zara ek nazar kar dekho
apni hasti ka sanam todo to paoge najat
ret ke zarron ki manind bikhar kar dekho
kitna pyara hai jahan kitni hasin hai ye hayat
yaas o andoh ke dariya se guzar kar dekho
lab-e-sahil pe to ‘mumtaz’ na mil paaya sukun
sail-e-tufan-e-havadis se guzar kar dekho
Leave a Reply