poet

Rang Badla Hai Kai Din Se Mizaj-E-Yar Ka

rang badla hai kai din se mizaj-e-yar ka

jod shayad chal gaya phir aaj kal aghyar ka

kas qadar paaya saveda-e-dil-e-ashiq ne auj

rafta rafta til bana akhir tire rukhsar ka

ab to aa kar dekh jaana chahiye tujh ko zarur

haal hai nau-e-digar iisa tire bimar ka

be-khudi men zakhm-e-dil par jabki padti hai nazar

hota hai dhoka tumhare rauzan-e-divar ka

hal-e-dard-e-dil bayan kis se karun main bad-nasib

tu hi jab pursan na ho le mere hal-e-zar ka

baat karna ho gaya mushkil buton ke samne

pad gaya phanda gale men rishta-e-zunnar ka

ho gaya huun na-tavan aisa tumhare hijr men

todna mushkil hua hai ansuon ke taar ka

ik faqat tere kashida hone se ye haal hai

bhagta hai saaya tak mujh se tiri divar ka

na-tavan aisa huun pis kar khaak ho jaun abhi

saaya pad jaae agar mujh par tiri divar ka

ab to surat apni dikhlao khuda ke vaste

dam nikalta hai tumhare talib-e-didar ka

apni kam-fahmi se ‘anjum’ ham nihayat tang hain

zehn men aata nahin mazmun dahan-e-yar ka

More Poems

Leave a Comment