nalon ki kashakash sah na saka khud tar-e-nafas bhi tuut gaya
ik umr se thi taklif jise kal shab ko vo qaidi chhut gaya
thi teri tamanna kahish-e-jan is dard se men divana tha
chhala tha dil apne siine men ai va-asfa vo phuut gaya
sab apni hi apni dhun men phanse tera to na nikla kaam koi
jo aaya tire darvaze par vo apna hi matha kuut gaya
tabut pe mere aae jo mitti men milaya yuun kah kar
phaila diye dast-o-pa apne itne hi men bas ji chhut gaya
aaya tha yahi dil men mere rindon hi pe kali bhi phenkun
saaqi ka ishara paate hi men zahr-e-sitam ko ghuut gaya
ho hindu-e-khal-e-lab tera ya tark-e-nigah ho ai qatil
dehli tha hamara dil shayad jo aaya vo us ko luut gaya
nazuk tha bahut kuchh dil mera ai ‘shad’ tahammul ho na saka
ik thes lagi thi yuun hi si kiya jald ye shisha tuut gaya
Leave a Reply