Talib Baghpati
mera ḳhayal un ki tamanna kahen jise
un ka guman ranjish-e-be-ja kahen jise
main arzu-e-maut kis ummid par karun
vo janta hai rashk-e-masiha kahen jise
sach puchhiye to naam isi ka hai zindagi
ham istilah-e-ishq men marna kahen jise
uftadgi men dil bhi sharik-e-alam nahin
duniya men aah kaun hai apna kahen jise
sar phoḌna junun men dalil-e-kamal hai
farzangi-e-ishq hai sauda kahen jise
dabicha-e-fana hai haqiqat men zindagi
ya.ani sukun-e-hosh hai marna kahen jise
mere ḳhulus par bhi hazaron shokuk hain
‘talib’ ye hai nasib ka likkha kahen jise
Leave a Reply