rahta hai itna paaon ke til ka asar savar
sar par hai ghar pahunchte hi agla safar savar
main chiḳhta raha ki nahin ḳhat ye mere naam
lekin hava ke ghoḌe pe tha nama-bar savar
milta nahin hai dasht-navardi men ab vo lutf
rahne laga hai zehn pe ghar is qadar savar
kis chiiz ki na-jane zarurat kahan paḌe
kar luun na apne saath savari men ghar savar
rakib ko ek baar gira de jo raḳhsh-e-umr
mumkin nahin vo is pe ho bar-e-digar savar
ye ishq ka nasha to utarta nahin kabhi
‘basir’ yunhi rahega ye a.asab par savar
Leave a Reply