rahne de ye tanz ke nashtar ahl-e-junun bebak nahin
kaun hai apne hosh men zalim kis ka gareban chaak nahin
jab tha zamana divanon ka ab farzane aae hain
jab sahra men lala-o-gul the ab gulshan men ḳhaak nahin
fitnon ki arzani se ab ek ik taar aluda hai
ham dekhen kis kis ke daman ek bhi daman paak nahin
mauj-e-talatum ḳhair hain ham sahil ke qarib aate hi nahin
vaqt ki rau men bah jaaen ham aise ḳhas-o-ḳhashak nahin
dard-o-karb se hashr bapa honTon pe tabassum hai ‘aḳhtar’
dil ka aalam kuchh bhi rahe ankhen to magar namnak nahin
Leave a Reply