Rahmaton Mein Teri Aaghosh Ki Pale Gae Hum

Iffat Abbas

rahmaton men tiri aghosh ki paale ga.e ham

aise mardud hue phir ki nikale ga.e ham

asmanon ko sambhale rahi qudrat teri

itne sarkash the ki tujh se na sambhale ga.e ham

ishq ki bu thi tajassus ka nasha shauq ka rang

saghar-e-gul men tire vaste Dhale ga.e ham

tajrabat apne muqaddar men liye marhala-var

tere bazar-e-tamasha men uchhale ga.e ham

jins-e-ehsas ki dukan pe sannaTa tha

koi gahak na tha is ka to uTha le ga.e ham

ro.ab taari tha zaban par tira maḳhluq thi chup

ham to ashiq the gham-e-hijr suna le ga.e ham

luuT le chain koi ye na hua tha ab tak

mutma.in rah gaya vo aur chura le ga.e hamrahmaton men tiri aghosh ki paale ga.e ham

aise mardud hue phir ki nikale ga.e ham

asmanon ko sambhale rahi qudrat teri

itne sarkash the ki tujh se na sambhale ga.e ham

ishq ki bu thi tajassus ka nasha shauq ka rang

saghar-e-gul men tire vaste Dhale ga.e ham

tajrabat apne muqaddar men liye marhala-var

tere bazar-e-tamasha men uchhale ga.e ham

jins-e-ehsas ki dukan pe sannaTa tha

koi gahak na tha is ka to uTha le ga.e ham

ro.ab taari tha zaban par tira maḳhluq thi chup

ham to ashiq the gham-e-hijr suna le ga.e ham

luuT le chain koi ye na hua tha ab tak

mutma.in rah gaya vo aur chura le ga.e ham