raahi taraf-e-mulk-e-adam hoi chuka tha
tu aa gaya main varna sanam hoi chuka tha
biThlati nazakat na ise gar dam-e-raftar
pamal ye dil zer-e-qadam hoi chuka tha
sargarm-e-suḳhan mujh se jo vo aa ke na hota
ThanDa main tah-e-tegh-e-sitam hoi chuka tha
dekha but-e-nau-ḳhat ne jo mujh ko to kiya chaak
naama to raqibon ko raqam hoi chuka tha
vo jiit ga.e pansa-e-taqdir se ‘tanvir’
paas un ke to ek ek diram hoi chuka tha
Leave a Reply