Ismail Merathi
kaam agar hasb-e-muddaa na hua
tera chaha hua bura na hua
khaak udti jo ham khuda hote
bandagi ka bhi haq ada na hua
sab jataya kiye niyaz-e-qadim
vo kisi ka bhi ashna na hua
rakhsh-e-ayyam ko qarar kahan
idhar aaya udhar ravana hua
kya khule jo kabhi na tha pinhan
kyuun mile jo kabhi juda na hua
sakht fitna jahan men uthta
koi tujh sa tire siva na hua
jo gadha khu-e-bad ki daldal men
ja phansa phir kabhi riha na hua
tu na ho ye to ho nahin sakta
mera kya tha hua hua na hua
rah-rav-e-maslak-e-tavkkul hai
vo jo muhtaj ghair ka na hua
Leave a Reply