Nihal Rizvi
kabhi uruuj kabhi vo zaval deta hai
koi to hai jo falak par uchhal deta hai
vahi to sang-tarashon ka dast-e-pinhan hai
vahi to siip se moti nikal deta hai
azaab lagne lage jab hayat tab bhi vahi
fishar-e-zist se aa kar nikal deta hai
usi pe mujh ko bharosa hai dekhiye kya ho
jo roz ik naya fitna uchhal deta hai
nafas nafas pe mire iḳhtiyar hai jis ka
vo mujh ko hijr bhi misl-e-visal deta hai
tum us ka da.era-e-iḳhtiyar kya jaano
vo pattharon se bhi aansu nikal deta hai
Leave a Reply