Tilok Chand Mahroom
rahi firaq men bhi shakl ru-ba-ru teri
shabih khinchi tasavvur ne hu-ba-hu teri
muaaf rakh jo hai gul-ha-e-tar se pyaar mujhe
ki un men rang tira kuchh hai kuchh hai bu teri
nasim-e-sub.h ka jhonka nafas nafas tera
rahegi soḳhta-janon ko aarzu teri
ye faḳhr kam hai ki ham qabil-e-ḳhitab to hain
aziiz aur ke alqab se hai tu teri
dahan-e-ghuncha-e-tar se zaban-e-sausan se
chaman chaman men suni main ne guftugu teri
dil-o-jigar phuke jaate hain soz-e-hijran se
lagan azaab hui mujh ko sham.a-ru teri
kahan kahan tire ‘mahrum’ ko ba-qaul-e-‘surur’
kashan kashan liye phirti hai justuju teri
Leave a Reply