Rahegi Yaad Ye Fasl-E-Bahaar Ham-Nafaso

rahegī yaad ye fasl-e-bahār ham-nafaso

kiyā hai raqs sar-e-nok-e-ḳhār ham-nafaso

ye maslahat kā taqāzā ki sar jhukā ke chaleñ

pukārtā hai junūñ sū-e-dār ham-nafaso

baḌhe chalo ki abhī duur hai maqām-e-junūñ

kahāñ ruke ho sar-e-rahguzār ham-nafaso

ye kis ne aag lagā.ī hai aaj paanī meñ

qabā-e-zohd bhī hai taar taar ham-nafaso

Leave a Comment