Mohsin Aftab Kelapuri
rah ke makkaron men makkar hui hai duniya
mere dushman ki taraf-dar hui hai duniya
paak daman thi ye jab tak thi mire hujre men
chhoḌ ke mujh ko gunahgar hui hai duniya
ain mumkin hai ke bad-nam mujhe bhi kar de
meri shohrat se jo bezar hui hai duniya
tu nahin tha to ye raunaq bhi kahan thi pahle
tere aane se hi gulzar hui hai duniya
apni palkon se jhaTakte hue kuchh ḳhvabon ko
le ke angḌa.iyan bedar hui hai duniya
kuchh dinon se ye ḳhabar guunj rahi hai ‘mohsin’
ek sha.ir ki talabgar hui hai duniya
Leave a Reply