Afsar Mahpuri
ajiib chiiz mohabbat ki vardat bhi hai
hadis-e-dil bhi hai rudad-e-kaenat bhi hai
obudiyat to hamara hai sheva-e-fitri
agar khudai karen ham to koi baat bhi hai
idhar bhi uthti hai arbab-e-anjuman ki nazar
kuchh aap hi nahin mahfil men meri zaat bhi hai
mire vajud se na-mumkinat ka aalam
mire vajud se duniya-e-mumkinat bhi hai
ye irtiqa-e-bashar ki hai kaun si manzil
ki is ki zad men khuda bhi hai kaenat bhi hai
Leave a Reply