jab se jaana hai gham-e-zist se hasil kya hai
main yahi soch raha huun mutabadil kya hai
ḳhvab ankhon men basa.e to hui ye ḳhvahish
koi ham se bhi ye puchhe ki gham-e-dil kya hai
log har qaid se azad hue jaate hain
puchhiye kis se ki ab kar-e-salasil kya hai
kis ko fursat hai kare ham ko jo zinda sabit
bas yahi ek vakil apna hai qatil kya hai
naqsh ma.adum hue jaate hain rafta rafta
ai ḳhuda aaj miri raah men haa.il kya hai
a.ina-ḳhane men ye dekh raha huun ‘rahat’
muḳhtalif kya hai yahan aur mutamassil kya hai
Leave a Reply