dil le ke hasinon ne ye dastur nikala
dil jis ka liya us ko bahut duur nikala
zahid ko kisi aur ki baten nahin atin
aaya to vahi tazkira-e-hur nikala
dushman ko ayadat ke liye yaar ne bheja
achchha ye ilaj-e-dil-e-ranjur nikala
ai tir-e-sitam chal tiri davat hai mire ghar
zaḳhm-e-dil-e-nashad ne ankur nikala
vo tazkira-e-ghair pe jhunjhla ke ye bole
phir aap ne ‘muztar’ vahi mazkur nikala
Leave a Reply