Rah-E-Wafa Mein Rahe Ye Nishan-E-KHatir Bas

rah-e-vafā meñ rahe ye nishān-e-ḳhātir bas

baġhair naam ho mazkūr har musāfir bas

hazār vādī-e-tārīk se guzartā huā

ye ishq chāhtā hai ho tirā muāsir bas

tavīl marhala-e-justujū bhī thā darpesh

so ittifāq nahīñ thā huā vo zāhir bas

phir is ke ba.ad sabhī ho gayā idhar kā udhar

vo ek lamha-e-maujūd meñ thā hāzir bas

ye ik jazīra-e-be-rāh bhī nahīñ rahnā

to kyā qarīb hai vo majma-ul-jazā.ir bas

Leave a Comment