Isi KHayal Se Dil Ki Rafu-Gari Nahin Ki

isī ḳhayāl se dil kī rafū-garī nahīñ kī

vo jis ne zaḳhm diyā us ne maryamī nahīñ kī

tirā vajūd sarāsar hai multafit to phir

tire gurez ne kyuuñ ab talak kamī nahīñ kī

huā paḌā hai yūñhī kalba-e-nazar tārīk

ki aaj us ke sarāpā ne raushnī nahīñ kī

kahāniyoñ meñ hī milte haiñ kuchh nishāñ mere

guzār dī hai jo maiñ ne vo zindagī nahīñ kī

Leave a Comment