anjane logon ko har su chalta phirta dekh raha huun
kaisi bhiiḌ hai phir bhi ḳhud ko tanha tanha dekh raha huun
divaron se rauzan rauzan kya kya manzar ubhre hain
suraj ko bhi duur ufuq par jalta bujhta dekh raha huun
jis ko apna ruup diya aur jis ke har dam ḳhvab bune
kab se main us aane vaale kal ka rasta dekh raha huun
sub.hon ki peshani par ye kaisi siyahi phaili hai
apni ana ko har lamhe suuli par chaḌhta dekh raha huun
a.ine men kya dekhun jab har chehra a.ina hai
us ka chehra dekh raha huun apna chehra dekh raha huun
Leave a Reply