doston ko miri zarurat hai
qadr-dani nahin ye qimat hai
aadmi bar-e-adamiyat hai
hadse ki ashad zarurat hai
un ke lab hain miri shikayat hai
kitna badla hai vaqt-e-hairat hai
do dilon ke milap ki ḳhvahish
pahle ḳhvahish thi ab nadamat hai
main jahan huun kafil huun apna
tum jahan ho miri zarurat hai
adamiyat ka irtiqa main huun
aadmi se mujhe mohabbat hai
aao ik dusre ko pyaar karen
pyaar karna baḌi ibadat hai
Leave a Reply