har ek ahd men jo sangsar hota raha
lahu lahu main usi harf ke badan men huun
zaban kyuun nahin banti hai ham-nava dil ki
ye shaḳhs kaun hai main kis ke pairahan men huun
mire lahu se hi us ne sipar ka kaam liya
use ḳhabar thi ki main taaq apne fan men huun
har aa.ine men hai mahfuz meri hi tasvir
bahut dinon se main ḳhud apni anjuman men huun
sada.en deta hai ‘ishrat’ koi mire andar
ki main rafiq tira rah-e-pur-shikan men huun
Leave a Reply