bardāsht kyoñ karegā zarā sī bhī der dil
pherī nazar to ro.egā muñh pher pher dil
mahsūs ye huā hai tirī aañkh ke tufail
ā.īna hai charāġh hai miTTī kā Dher dil
shāyad tirī taraf se ho āġhāz-e-dil-barī
kam-baḳht is liye bhī to kartā hai der dil
zikr-e-vafā jo aa.e to har baat par tirā
kartā hai mere dil se bahut her-pher dil
ham se mileñ to dil ko sañhālā kareñ janāb
ham log bāt-chīt se karte haiñ zer dil
dil-dāriyoñ ke daam meñ bilkul na aa.egī
hai sāmne janāb ke sach-much meñ sher-dil