Rashida Maheen Malik
bardasht kyon karega zara si bhi der dil
pheri nazar to ro.ega munh pher pher dil
mahsus ye hua hai tiri aankh ke tufail
a.ina hai charagh hai miTTi ka Dher dil
shayad tiri taraf se ho aghaz-e-dil-bari
kam-baḳht is liye bhi to karta hai der dil
zikr-e-vafa jo aa.e to har baat par tira
karta hai mere dil se bahut her-pher dil
ham se milen to dil ko sanhala karen janab
ham log bat-chit se karte hain zer dil
dil-dariyon ke daam men bilkul na aa.egi
hai samne janab ke sach-much men sher-dil
Leave a Reply