miri sada ko hava.en bhi qaid karti hain
miri nigah ko faza.en bhi qaid karti hain
jabhi to khul ke barasti hain abr ki surat
ki mere ashk ghaTa.en bhi qaid karti hain
bas ek had hai ki aage nikal nahin paate
qadam qadam pe vafa.en bhi qaid karti hain
ye ik hisar banati hain chaar su mere
mujhe to teri dua.en bhi qaid karti hain
main teri yaad ki chadar ko oḌh leti huun
dilon ke dard rida.en bhi qaid karti hain
Leave a Reply