mire yahan tiri avaz rah ga.i baaqi
tira nishan tiri avaz rah ga.i baaqi
bas ik yaqin badan duur le ga.i hai tu
bas ik guman tiri avaz rah ga.i baaqi
hamare ghar ke vo kone bhi ho ga.e pagal
jahan jahan tiri avaz rah ga.i baaqi
suna.i di abhi patton ki sarsarahaT men
kahan kahan tiri avaz rah ga.i baaqi
har ek kone se kamre ke chun raha huun main
jahan-tahan tiri avaz rah ga.i baaqi
udaas shaam ki sakit hava ke honTon par
ravan ravan tiri avaz rah ga.i baaqi
tu mere ghar se har ik chiiz le ga.i apni
magar ye jaan tiri avaz rah ga.i baaqi
Leave a Reply