sirf ik soz to mujh men hai magar saaz nahin
main faqat dard huun jis men koi avaz nahin
mujh se jo chahiye vo dars-e-basirat liije
main ḳhud avaz huun meri koi avaz nahin
vo maze rabt-e-nihani ke kahan se la.un
hai nazar mujh pe magar ab ghalat-andaz nahin
phir ye sab shorish-o-hangama-e-alam kya hai
isi parde men agar husn-e-junnun-saz nahin
atish-e-jalva-e-mahbub ne sab phunk diya
ab koi parda nahin parda-bar-andaz nahin
Leave a Reply