abrar-ahmad

Maut Dil Se Lipat Gai Us Shab

ek khvab-e-hazimat duniya

ek aahat davam khvahish ki

ek jodi qadim hathon ki

aur ankhon ke band farghul men

ek khvahish hamesha rahne ki

ek bistar purani yadon ka

aur soya hua dil-e-vahshi

ahani ungliyon ke panje men

ik ghani tirgi ke raste men

zaiqa bhuli-bisri barish ka

ek saaya jhuka hua dil par

der tak asman se girti hui

ek maddham sada darichon men

ek pur-shor sail ki avaz

saans ki silvaten Duboti hui

kaun tha is samay ke angan men

jagti raat ko thapakta hua

kaun tha rat-din ke phere men

gai duniyaon se ubharta hua

ro raha tha dayar-e-ghurbat men

aur madum ke ilaqe men

apni ankhon men Daal kar mitti

khvab takta hua main bachpan ke

ek hanste hue guzishta men

More Poems

Leave a Comment