Rah-E-Safar Mein Gard Kabhi Hai Kabhi Nahin

rāh-e-safar meñ gard kabhī hai kabhī nahīñ

dil mubtalā-e-dard kabhī hai kabhī nahīñ

hairāñ kiye haiñ ḳhalq ko jaadū kī bastiyāñ

nām-o-nishān-e-fard kabhī hai kabhī nahīñ

ḳhuuñ kī safediyoñ kā nazāra hai mustaqil

zor-e-havā-e-sard kabhī hai kabhī nahīñ

ye kaise hādsāt kī sūrat hai shahar meñ

chehroñ kā rañg zard kabhī hai kabhī nahīñ

nīlāhaToñ ko jis ne ġhazabnāk kar diyā

vo sañg-e-lājvard kabhī hai kabhī nahīñ

‘rāhat’ vo apnī tarz badaltā hai bārhā

lagtā mujhe bhī mard kabhī hai kabhī nahīñ

Leave a Comment