chalte chalte saal kitne ho ga.e
peḌ bhi raste ke buḌhe ho ga.e
ungliyan mazbut hathon se chhuTin
bhiiḌ men bachche akele ho ga.e
hadisa kal aa.ine par kya hua
reza reza aks mere ho ga.e
DhunDhiye to dhuup men milte nahin
mujrmon ki tarah saa.e ho ga.e
meri ḳhamoshi pe the jo ta.ana-zan
shor men apne hi bahre ho ga.e
chand ko main chhu nahin paaya magar
ḳhvab sab mere sunahre ho ga.e
meri gum-nami se ‘az.har’ jab mile
shohraton ke haath maile ho ga.e
Leave a Reply