Kuldeep Kumar
rah-e-ishq men itne to bedar the ham
hijr aa.ega pahle hi tayyar the ham
shahr base the milon tak us ki janib
ek musalsal jangal tha jis paar the ham
ham pe rang-o-roghan kya tasviren kya
ghar ke pichhle hisse ki divar the ham
shaam se koi bhiiḌ utarti jaati thi
ik kamre ke andar bhi bazar the ham
ek kahani ḳhud hi ham se aa lipTi
kya ma.alum ki kab is ke kirdar the
aaj hamare matam men ye charcha tha
ik muddat se tanha the bimar the ham
kya ab ishq men vaisi vahshat mumkin hai
jaise pagal ishq men pahli baar the ham
Leave a Reply