Altaf Hussain Hali
kah do koi saaqi se ki ham marte hain pyase
gar mai nahin de zahr hi ka jaam bala se
jo kuchh hai so hai us ke taghaful ki shikayat
qasid se hai takrar na jhagḌa hai saba se
dallala ne ummid dila.i to hai lekin
dete nahin kuchh dil ko tasalli ye dilase
hai vasl to taqdir ke haath ai shah-e-ḳhuban
yaan hain to faqat teri mohabbat ke hain pyase
pyase tire sar-gashta hain jo rah-e-talab men
honTon ko vo karte nahin tar ab-e-baqa se
dar guzre dava se to bharose pe dua ke
dar guzren dua se bhi dua hai ye ḳhuda se
ik dard ho bas aaTh pahar dil men ki jis ko
taḳhfif dava se ho na taskin dua se
‘hali’ dil-e-insan men hai gum daulat-e-kaunain
sharminda hon kyuun ghair ke ehsan-o-ata se
jab vaqt paḌe dijiye dastak dar-e-dil par
jhukiye fuqara se na jhamkiye umra se
Leave a Reply