afzal-khan

Rah Bhola Hun Magar Ye Meri Khami To Nahin

raah bhola huun magar ye miri khami to nahin

main kahin aur se aaya huun maqami to nahin

uncha lahja hai faqat zor-e-dalael ke liye

ai miri jaan ye miri talkh-kalami to nahin

un darakhton ko dua do ki jo raste men na the

jaldi aane ka sabab tez-khirami to nahin

teri masnad pe koi aur nahin aa sakta

ye mira dil hai koi khali asami to nahin

main hama-vaqt mohabbat men pada rahta tha

phir kisi dost se puchha ye ghulami to nahin

bartari itni bhi apni na jata ai mire ishq

tu ‘nadim’-o-‘zaki’ o ‘kashif’-o-‘kami’ to nahin

More Poems

Leave a Comment