vo apne band-e-qaba kholti to kya lagti
ḳhuda ke vaste koi kahe ḳhuda-lagti
yaqin thi to yaqin men sama ga.i kaise
guman thi to guman se bhi mavara lagti
agar bikharti to suraj kabhi nahin ugta
tira ḳhayal ki vo zulf bas ghaTa lagti
tire mariz ko duniya men kuchh nahin lagta
dava lage na raqibon ki bad-dua lagti
hui hai qaid zamane men raushni kis se
bhala vo jism aur us ko koi qaba lagti
lagi vo tujh si to aalam men munfarid Thahri
vagarna aam si lagti agar juda lagti
Leave a Reply