Zareef Lakhnavi
qais kahta tha yahi fikr hai din-rat mujhe
maar de naqa-e-laila na kahin laat mujhe
ruḳh-e-raushan pe fida aur na siyah-zulf ka ḳhabt
na koi din hai mujhe aur na koi raat mujhe
maktab-e-ishq men baiTha hua hal karta huun
jaise algebra ke milte hain savalat mujhe
botalen bechte naḳhḳhas men dekha us ko
kis jagah ja ke mila pir-e-ḳharabat mujhe
ghusl-ḳhane men ye ghassal se murda bola
jail hai qabr to ye ghar hai havalat mujhe
rishta-e-umr hai kam aur miri rassi hai daraz
aa.i charḳhe se ye avaz na tu kaat mujhe
na.i tahzib ne ma.ashuq ka fashion badla
card bhejun to mayassar ho mulaqat mujhe
dard-e-dil ishq men hai kaahe se sekun main ‘zarif’
na falalin hi milti hai na banat mujhe
Leave a Reply