ishq jab tak na as-pas raha
husn tanha raha udaas raha
ik hasin vahima hasin dhoka
muddaton markaz-e-qayas raha
ishq ko ajnabi samajh ke mila
husn kitna ada-shanas raha
fasl-e-gul men hujum-e-gul ki jagah
har taraf ik hujum-e-yas raha
kis ka daman raha hai be-paivand
kaun asuda-e-libas raha
vo jise tera mustaqil gham hai
teri mahfil men bhi udaas raha
haa.e vo ḳhanda-e-ḳhafi ki ‘zahir’
dil pasheman-e-iltimas raha
Leave a Reply