kis ki ye siyasat hai kis ki hain ye tadbiren
rahzanon ne paa.i hain rahbaron ki taqdiren
mere ḳhvab-e-vahshat ki jaane kya hon ta.abiren
daar hai na zindan hai tauq hai na zanjiren
aap ki amanat hain aap hi miTa diije
ye nuqush ulfat ke ye vafa ki tahriren
kah raha hai sadiyon se taaj ka hasin chehra
fan agar mukammal ho bolti hain tasviren
log jaane kyuun us ko kah rahe hain divana
vo to apne ḳhvabon ki DhunDhta hai ta.abiren
luuT len na farzane azmat-e-junun ‘sumbul’
thak ga.e hain divane so ga.i hain zanjiren
Leave a Reply