naqab chehre se vo sho.ala-ru uTha leta
to chashm-e-bad ko main ankhon ka til jala leta
jo us ke ḳhak-e-kaf-e-pa bhi milte ham-chashmo
to raah par use main surma sa laga leta
jo in labon se na hota mushabah ab-e-hayat
ḳhizar na chhoḌ sikandar ko rasta leta
hue na the jo abhi saaf pech zulfon ki
bala se panja-e-mizhgan hi vo laḌa leta
jo mujh se hote vo be-parda bad nazar ke liye
nazar ki tarah se ankhon men main chhupa leta
Leave a Reply