Ragon Mein Raat Se Ye KHun Sa Rawan Hai Kya

ragoñ meñ aaj bhī ye ḳhuun sā ravāñ hai kyā

vo dard-e-ishq haqīqat meñ jāvedāñ hai kyā

parind kis liye karte haiñ āshiyāñ se kuuch

unheñ bhī hājat-e-yak-gosha-e-amāñ hai kyā

ye ham jo chhūte haiñ har roz chāñd tāroñ ko

hamāre paañv tale koī āsmāñ hai kyā

havā meñ khel rahā hai jo abr kī sūrat

kisī makān se uḌtā huā dhuāñ hai kyā

Leave a Comment