Anand Narayan Mulla
har inqalab ki surḳhi unhin ke afsane
hayat-e-dahr ka hasil hain chand divane
ḳhuda-e-har-do-jahan ḳhuub hai tiri taqsim
zamin pe dair-o-haram aur falak pe maiḳhane
hamari ja bhi kahin hai ḳhuda-e-dair-o-haram
haram men ghair hain aur but-kade men begane
na puchh daur-e-haqiqat ki saḳhtiyon ko na puchh
taras ga.e lab-e-afsana-go ko afsane
ye jabr zist-e-mohabbat pe kab talak aḳhir
ki dil salam karen aur nazar na pahchane
alag alag se ufuq par hain chhoTe chhoTe ghubar
ye karvan ko mire kya hua ḳhuda jaane
nizam-e-maikada saaqi chalega yuun kab tak
chhalak rahe hain subu aur tahi hain paimane
Leave a Reply