Kab Kaha Tha Ki Wo Tohfa Mujhe Wapas Kar De

kab kahā thā ki vo tohfa mujhe vāpas kar de

terī marzī hai to achchhā mujhe vāpas kar de

ab bhī guḌiyoñ meñ lagā saktī huuñ apne dil ko

merī chhoTī sī vo duniyā mujhe vāpas kar de

jitne aañsū haiñ mire paas vo le le saare

aur vo zabt kā lamha mujhe vāpas kar de

dil ko lauTā ke mire dost ġhamī kyā honā

maiñ ne kab tujh se kahā thā mujhe vāpas kar de

koī tasvīr tire paas nahīñ rakh saktī

merī yādoñ kā ḳhazāna mujhe vāpas kar de

jhūTī ummīd dilāne se to behtar hai ‘qamar’

vahī TuuTā huā va.ada mujhe vāpas kar de

Leave a Comment