Shuja Khaavar
garche badal paani barsata hua ghar ghar phira
phir bhi barish ki dua karta raha ik sar-phira
ek ummi ko mili apne hi dil men ka.enat
aur main aalim talash-e-zat men dar dar phira
ham zamane se phire ye to baja hai sahibo
us ko to laao jo ham se ashna ho kar phira
us ki ḳhush-fahmi ne kal bas maar hi Daala hamen
tujh ko dekha aur darvaze se chara-gar phira
aab vo aa.i jo chehre par adu ke ba.ad-e-vasl
aur paani vo jo meri arzuon par phira
Leave a Reply