Poet
zara si der jale jal ke raakh ho jaa.e
vo raushni de bhale jal ke raakh ho jaa.e
vo aftab jise sab salam karte hain
jo vaqt par na Dhale jal ke raakh ho jaa.e
main duur ja ke kahin bansuri baja.unga
bala se rome jale jal ke raakh ho jaa.e
vo ek lams-e-gurezan hai atish-e-be-soz
mujhe laga.e gale jal ke raakh ho jaa.e
koi charagh bache sub.h tak to tariki
usi charag-tale jal ke raakh ho jaa.e
Leave a Reply