ghalat nahin hai dil-e-sulh-ḳhu jo bolta hai
magar ye harf-e-baghavat lahu jo bolta hai
mire ujaḌne ki takmil kab hui janan
daraḳht-e-yad ki Tahni pe tu jo bolta hai
sar-sukut-e-adam kis ke honT hilte hain
koi to hai pas-e-divar-e-hu jo bolta hai
zamane teri haqiqat samajh men aati hai
hava ki thaap se ḳhali subu jo bolta hai
nafasaton ka qarina hai teri ḳhamoshi
magar ye jeb ka tar-e-rafu jo bolta hai
idhar ye kaan hain qahr-e-ḳhizan jo sunte hain
udhar vo peḌ hai sehr-e-numu jo bolta hai
nafas ke jaal men kab qaid ho saka ‘arshad’
vo ik parind-e-fana ku-ba-ku jo bolta hai
Leave a Reply